بشریٰ بی بی نے 9 مئی کے تمام 23 مقدمات میں خود کو عدالت کے سامنے سرنڈرکردیا

 

بانی پی ٹی آئی کی اہلیہ اپنے وکلا کے ہمراہ انسداد دہشتگردی عدالت اے ٹی سی میں پیش ہوئیں، وکیل محمد فیصل ملک نے 23 مقدمات میں ضمانت کی درخواستیں دائر کر دیں





راولپنڈی( 21 دسمبر 2024) بانی پی ٹی آئی کی اہلیہ بشریٰ بی بی نے 9مئی سمیت تمام 23 مقدمات میں خود کوعدالت کے سامنے سرنڈرکر دیا، بانی پی ٹی آئی کی اہلیہ اپنے وکلا کے ہمراہ انسداد دہشتگردی عدالت اے ٹی سی میں پیش ہوئیں ۔ خصوصی عدالت کے جج کے کمرہ عدالت میں پہنچنے پر بشری بی بی کی درخواست ضمانت کیلئے قانونی کارروائی کا آغاز ہوا، بشری بی بی کی گاڑی کو انسداد دہشت گردی عدالت کی حدود میں داخل ہونے کی اجازت دی گئی ۔

بشری ٰبی بی کی جانب سے ایڈووکیٹ محمد فیصل ملک نے 23 مقدمات میں ضمانت کی درخواستیں دائر کر دیں۔ دریں اثناء بانی پی ٹی آئی عمران خان اور بشریٰ بی بی کے خلاف توشہ خانہ کیس کی سماعت بھی آج ہوگی۔ سپیشل جج سنٹرل اسلام آباد شاہ رخ ارجمند اڈیالہ جیل میں کیس کی سماعت کریں گے۔

(جاری ہے)

دوران سماعت استغاثہ کے گواہان کی شہادتیں قلمبند کی جائیں گی۔ خیال رہے کہ اس سے قبل پشاور ہائی کورٹ نے بانی پی ٹی آئی عمران خان کی اہلیہ بشریٰ بی بی کی حفاظتی ضمانت میں16جنوری تک توسیع کر دی تھی۔

جسٹس صاحبزادہ اسد اللہ اور جسٹس وقار احمد نے بشریٰ بی بی کے خلاف مقدمات کی تفصیل کی فراہمی کیلئے درخواست پرسماعت کی تھی۔ درخواست گزار کے وکیل نے کہا کہ اسلام آباد میں توشہ خانہ کیس 2 میں آج بشریٰ بی بی کی پیشی تھی۔ وکلاء نے حاضری سے استثنیٰ کی درخواست دائر کی تھی۔سپیشل ڈپٹی پراسیکیوٹر نے کہا کہ ہم نے رپورٹ جمع کی تھی۔ بشریٰ بی بی کے خلاف نیب کے 2 کیس اور ایف آئی اے کا ایک کیس تھا۔

عدالت نے کہا تھاکہ نئی درخواست میں بھی رپورٹ جمع کرائیں۔بعدازاں پشاور ہائی کورٹ نے کیس کی سماعت ملتوی کرتے ہوئے بشریٰ بی بی کی حفاظتی ضمانت میں 16 جنوری تک توسیع کر دی تھی۔یاد رہے قبل ازیں اسلام آباد ڈسٹرکٹ سیشن عدالت نے بانی پی ٹی آئی کی 6 اور بشریٰ بی بی کی ایک مقدمے میں عبوری ضمانتوں میں 7 جنوری تک توسیع کی تھی۔ایڈیشنل سیشن جج محمد افضل مجوکہ نے کی عمران خان اور بشریٰ بی بی کی درخواست ضمانتوں پر سماعت کی تھی۔

عدالت نے عبوری ضمانتوں میں 7 جنوری تک توسیع کی تھی۔ دوران سماعت ملزمان کی جانب سے جونیئروکیل عدالت میں پیش ہوئے تھے۔سماعت کے دوران جونیئر وکیل نے عدالت کو بتایا تھاکہ سینئر کونسل سینٹرل جیل اڈیالہ میں کیس میں مصروف ہیں آج پیش نہیں ہو سکتے تھے۔ ڈسٹرکٹ اینڈ سیشن کورٹ اسلام آباد نے بانی پی ٹی آئی اور بشریٰ بی بی کی عبوری ضمانتوں میں 7 جنوری تک توسیع کرکے سماعت ملتوی کردی تھی۔

تبصرے

ایک تبصرہ شائع کریں

اس بلاگ سے مقبول پوسٹس

ٹانک ، سیکورٹی فورسز کے آپریشن میں فتنہ الخوارج کے انتہائی مطلوب دہشتگرد سمیت7 ہلاک

تصویر
  ٹانک(20 دسمبر 2024)ضلع ٹانک میں سیکورٹی فورسز نے ایک کامیاب آپریشن کے دوران فتنہ الخوارج کے انتہائی مطلوب دہشت گرد سمیت 7خوارج کو ہلاک کر دیا ، 17 اور 18 دسمبر کی درمیانی شب سیکورٹی فورسز نے ضلع ٹانک میں خوارج کی موجودگی کی اطلاع پر انٹیلی جنس بیسڈ آپریشن کیا گیا،سیکیورٹی ذرائع کے مطابق کامیاب آپریشن کے دوران انتہائی مطلوب خارجی سرغنہ علی رحمان عرف مولانا طہٰ سواتی کو ہلاک کردیا گیا کامیاب آپریشن کے دوران 7 خوارج کو جہنم واصل بھی کیا گیا۔ سیکیورٹی ذرائع کا کہنا ہے کہ آپریشن کے دوران ایک خارجی نے گھر میں داخل ہوکر کمرے میں دو بچوں کو یرغمال بنایا۔ دہشت گرد نے فرار ہونے کیلئے خاتون کا لباس پہن لیاتھا۔ خارجی نے دونوں بچوں کو ڈھال کے طور پر استعمال کرنے کی مذموم کوشش کی تاہم فورسز دونوں بچوں کی بحفاظت بازیاب کرایا اور خارجی کو بھی جہنم واصل کردیا۔ (جاری ہے) خارجی علی رحمان عرف مولانا طہٰ سواتی فتنتہ الخوارج کے اہم سرغنہ مفتی فضل اللہ کا قریبی ساتھی تھا اس دہشت گرد نے 2010 میں ٹی ٹی پی میں شمولیت اختیارکی۔ یہ شوریٰ کااہم سرغنہ تھا اور سرغنہ قاری امجد عرف مفتی مزاحم کا قریبی ساتھی تھا...
مزید پڑھیں

اصل قوت اسٹیبلشمنٹ ہے جو کسی صورت پی ٹی آئی کو رعایت دینے کو تیار نہیں

تصویر
یہ ملٹری کورٹس کے آج کے فیصلے سے نظر بھی آتا ہے، حکومت اسٹیبلشمنٹ کے سامنے پپٹ ہیں، 26ویں ترمیم کے بعد حکومت کی نیت ٹھیک نہیں ہے، پی ٹی آئی رہنماء سینیٹر حامد خان اسلام آباد ( 21 دسمبر 2024ء ) پی ٹی آئی رہنماء سینیٹر حامد خان نے کہا ہے کہ اصل قوت اسٹیبلشمنٹ ہے جو کسی صورت پی ٹی آئی کو رعایت دینے کو تیار نہیں، یہ ملٹری کورٹس کے فیصلے سے بھی نظر آتا ہے،حکومت اسٹیبلشمنٹ کے سامنے پپٹ ہیں۔ انہوں نے اے آروائی نیوز کے پروگرام میں گفتگو کرتے ہوئے کہا کہ 26ویں ترمیم کے بعد حکومت کی نیت ٹھیک نہیں ہے، بیرسٹر گوہر مذاکرات کی کوشش کرکے دیکھ لیں، اگر کوئی حل نکلتا ہے تواچھی بات ہے، ہم یہ نہیں کہلوانا چاہتے کہ پی ٹی آئی نے کوشش نہیں کی، پی ٹی آئی مظلوم جماعت ہے، ڈیڑھ سال سے بانی چیئرمین سے لے کر رہنماؤں کو جیلوں میں بند کیا ہوا ہے۔ حکومت کمیٹی کے معاملے پر رابطے میں ہے یہ میرے علم میں نہیں ہے۔ (جاری ہے) اگر مذاکراتی کمیٹی نہیں بنتی تو سول نافرمانی کی تحریک کا فیصلہ عمران خان کریں گے۔ میں سمجھتا ہوں معاملات کو چلنا چاہئے اسی لئے بانی نے مذاکراتی کمیٹی بنائی تاکہ ملک کو کسی آزمائش میں نہ ڈالا جائے۔آج ج...
مزید پڑھیں